អំពីពួកយើង
បេសកម្មរបស់យើង
Focus – ត្រៀមខ្លួនសម្រាប់ថ្ងៃស្អែក បង្កើតខ្លឹមសារព័ត៌មាន ដើម្បីជំរុញឱ្យមានការពិភាក្សា ពីសំណាក់បុគ្គលដែលមានតួនាទីជាអ្នកផ្លាស់ប្ដូរដ៏សំខាន់មួយ នាពេលថ្ងៃអនាគត។ ពួកគេគឺជាយុវជនជំនាន់ក្រោយ ដែលហ៊ុំព័ទ្ធទៅដោយការរីកចម្រើនជឿនលឿនមួយ ដូច្នេះពួកគេគឺជាគន្លឹះដ៏សំខាន់ ដើម្បីឆ្ពោះទៅកាន់អនាគតដ៏ឧត្តុង្គឧត្តមសម្រាប់សង្គម។
យើងគឺជាវេទិកាផ្សព្វផ្សាយអំពីបែបផែននៃការរស់នៅ។ មាតិការបស់យើង មានគោលបំណងបង្កើតកិច្ចសន្ទនា ក៏ដូចជាបង្កើនផលវិជ្ជមានប្រកបដោយចីរភាព ក្នុងសង្គមទៅថ្ងៃអនាគត។
យើងបណ្ដុះបណ្ដាលឱ្យមាន អ្នកជំនាញវ័យក្មេងដែលប្រកបទៅដោយការតាំងចិត្តខ្ពស់លើវិស័យប្រព័ន្ធផ្សព្វផ្សាយ ដោយជ្រើសយកប្រធានបទដែលមានសារសំខាន់ សម្រាប់ការជជែកវែកញែក មកផ្សព្វផ្សាយក្នុងទម្រង់ជាវីដេអូ សំឡេង និងអត្ថបទ។
គុណតម្លៃរបស់យើង
ការសិក្សាពេញមួយជីវិត
ពួកយើងបន្តរៀននិងបន្តកែលម្អ
ភាពស្មោះត្រង់
ពួកយើងមានការបើកចំហនិងទំនាក់ទំនងប្រកបដោយវិជ្ជាជីវៈ
ភាពសុចរិត
ពួកយើងទុកចិត្តបាននិងប្តេជ្ញាខ្ពស់
ការយល់ចិត្ត
ពួកយើងគាំទ្រសហគមន៍
តើពួកយើងជានរណា ?
Focus គឺជាគេហទំព័រប្រព័ន្ធផ្សព្វផ្សាយមួយសម្រាប់ប្រជាជនកម្ពុជាដែលបង្កើតឡើងដោយ Globe Media Asia អ្នកបោះពុម្ភផ្សាយក្នុងស្រុកនូវគេហទំព័រនិងអត្ថបទល្បីល្បាញមួយចំនួនដូចជា ៖
- "ការស្វែងយល់ពីប្រទេសកម្ពុជា" ដែលជាមគ្គុទេសក៍ទេសចរណ៍ប្រចាំឆ្នាំអំពីព្រះរាជាណាចក្រកម្ពុជា
- "ការផ្តោតលើប្រទេសកម្ពុជា" ដែលជាមគ្គុទេសក៍ប្រចាំឆ្នាំសម្រាប់ការវិនិយោគនិងសេដ្ឋកិច្ច
- "Southeastasiaglobe.com" ដែលជាគេហទំព័រសារព័ត៌មានប្រចាំតំបន់មួយដែលផ្តោតលើតំបន់អាស៊ាននិងមានសមាជិកជាង ២ម៉ឺននាក់នៅទូទាំងពិភពលោក
ការបោះពុម្ពផ្សាយអត្ថបទពីអតិថិជននៅក្នុងតំបន់និងការបង្កើតគេហទំព័រផ្ទាល់ខ្លួនរបស់អតិថិជន ។
ជួបជាមួយក្រុមការងារយើង
នូវ ពៅលក្ខិណា
អ្នកកែសម្រួល
លក្ខិណា មានបទពិសោធន៍ធ្វើការ នៅក្នុងវិស័យសារព័ត៌មានឌីជីថល អស់រយៈពេលជាង ៥ឆ្នាំ ដោយចាប់ផ្តើមពីការរាយការណ៍បែបពហុព័ត៌មាន និងចុងក្រោយបង្អស់ជាអ្នកគ្រប់គ្រងមាតិកាអនឡាញ។ កញ្ញា នូវ ពៅលក្ខិណា បានបញ្ចប់ថ្នាក់អនុបណ្ឌិតផ្នែកសារព័ត៌មាន ពីសាកលវិទ្យាល័យហុងកុង នៅក្នុងឆ្នាំ ២០១៧ និងថ្នាក់បរិញ្ញាបត្រផ្នែក គ្រប់គ្រងប្រព័ន្ធផ្សព្វផ្សាយ ពីដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍ (DMC) នៃសាកលវិទ្យាល័យភូមិន្ទភ្នំពេញ នៅក្នុងឆ្នាំ ២០១៣។ កញ្ញាមានចំណាប់អារម្មណ៍ពិសេស នៅក្នុងជំនាញអភិវឌ្ឍទស្សនិកជន នៅជុំវិញប្រព័ន្ធផ្សព្វផ្សាយតាមអ៊ិនធឺណិតនៅកម្ពុជា ហើយចូលចិត្តតាមដានទំនោរនៃវិស័យសារព័ត៌មានឌីជីថល នៅក្នុងពេលទំនេររបស់គាត់។
JiHye Kim
ប្រធានផ្នែកទីផ្សារឌីជីថល
JiHyeគឺជាអ្នកជំនាញខាងទីផ្សារនិងទំនាក់ទំនង ប្រកបដោយភាពបុិនប្រសប់ និងជួយសម្របសម្រួលដល់មនុស្សម្នាដើម្បីចែករំលែករឿងរ៉ាវប្លែកៗរបស់ពួកគេជាមួយពិភពលោក។ កញ្ញាធ្លាប់មានបទពិសោធន៍ការងារក្នុងវិស័យផ្សេងៗគ្នាជាច្រើន នៅតំបន់អឺរ៉ុបនិងអាស៊ីអាគ្នេយ៍ហើយក្នុងរយៈពេល ៣ ឆ្នាំកន្លងមកនេះ នាងបានគាំទ្រដល់អាជីវកម្មសង្គម នៅក្នុងកម្មវិធីបណ្តុះបណ្តាលវិជ្ជាជីវៈសម្រាប់បុគ្គលដែលមកពីសហគមន៍ដែលបាត់បង់ឱកាស។ នៅក្នុងពេលទំនេរ នាងក៏ចូលចិត្តចែករំលែកសកម្មភាព និងភាពរីករាយទៅកាន់យុវជនកម្ពុជាតាមរយ:បណ្តាញផ្សព្វផ្សាយសង្គមTikTok។
តូច ធីណា
អ្នកសារព័ត៌មាន
ការចូលរួមការងារស្ម័គ្រចិត្តនៅក្នុងអង្គការក្នុងស្រុកនិងក្រៅស្រុកបានផ្តល់នូវបទពិសោធន៍ដ៏មានតម្លៃក្នុងការសិក្សារៀនសូត្រនិងចែករំលែកនូវចំណេះដឹងរបស់ខ្លួន។ នាងក៏បានសម្រេចចិត្តក្លាយជាអ្នកសារព័ត៌មានមួយរូប ព្រោះនាងយល់ថាការសរសេរអត្ថបទ វាលើសពីការងារ ប៉ុន្តែវាជាសិល្បៈក្នុងការចែករំលែកនូវព័ត៌មានដែលកំពុងកើតមានឡើង ហើយប្រយោគនីមួយៗគឺពោរពេញទៅដោយខ្លឹមសារនៃសាច់រឿង។ លើសពីនេះ ការផ្តល់ព័ត៌មានដែលមានភាពច្បាស់លាស់ និងមានសារប្រយោជន៍ទៅដល់អ្នកអានគឺជាការជម្រុញទឹកចិត្តដ៍សំខាន់របស់អ្នកសរសេររូបនេះ។
បូរិន សុភាវុទ្ធតី
អ្នកសារព័ត៌មាន
វុទ្ធតី ចាប់ផ្តើមស្រឡាញ់ការងារជាអ្នកកាសែតបន្ទាប់ពីបានរៀនជំនាញកាសែត និងឆ្លងកាត់ធ្វើការជាអ្នកយកព័ត៌មាននៅតាមស្ថាប័នព័ត៌មានផ្សេងៗ។ នាងគិតថាតាមពិតទៅព័ត៌មានទាំងអស់មិនមែនសុទ្ធតែនិយាយអំពីបញ្ហានយោបាយនោះទេ ហើយមិនមានតែបញ្ហានយោបាយទើបគេចាត់ទុកថាជាព័ត៌មាននោះឡើយ។ ដើម្បីក្លាយខ្លួនជាពលរដ្ឋដែលមានការយល់ដឹងមួយរូបក្នុងសង្គម មនុស្សម្នាក់ចាំបាច់ត្រូវដឹងអំពីរឿងរ៉ាវគ្រប់ជ្រុងជ្រោយដែលកើតឡើងនៅក្នុងសង្គម។ ក្នុងចំណោមប្រធានបទដែល Focus ផ្តោតសំខាន់ទាំងអស់ នាងចូលចិត្តសរសេរអំពីអាជីវ និងសុខភាពជាងគេ។
ឌិប ណាសា
អ្នករាយការណ៍ហាត់ការ
ណាសា បានបញ្ចប់ការសិក្សាពី ដេបាតឺម៉ង់សិក្សាអន្តរជាតិ និង មានចំណាប់អារម្មណ៍យ៉ាងជ្រាលជ្រៅ ក្នុងកិច្ចការពិភពលោក និងសង្គម។ នាងបានចូលរួម ទាំងកម្មវិធីសិក្សា និងកម្មវិធីយុវជន ក៏ដូចជាការសរសេរអត្ថបទ ដែលជម្រុញឱ្យនាងស្វែងយល់ ពីចំណង់ចំណូលចិត្តរបស់នាងក្នុងការសរសេរ។ ណាសាជឿជាក់លើការផ្តល់សិទ្ធិអំណាច ដល់យុវជននិងស្ត្រី ក៏ដូចជាចូលរួមយ៉ាងសកម្ម នៅក្នុងការងារដែលទាក់ទងនិងប្រធានបទទាំងពីរ។ នាងចូលចិត្តទទួលបទពិសោធន៍វប្បធម៌ខុសៗគ្នា ស្គាល់មនុស្សថ្មី និងរៀននៅក្នុងបរិយាកាសខុសៗគ្នា។
តាប ណារេត
អ្នករចនា
ណាវេតធ្វើការជាមួួយ Globe Media Asia ជាអ្នករចនាក្រាហ្វិកអស់រយៈពេល ៦ ឆ្នាំមកហើយ។ ភាពច្នៃប្រឌិតប្រកបដោយចក្ខុវិស័យខ្ពស់របស់ ណាវេត បានជួយធ្វើឱ្យអត្ថបទផ្សេងៗបស់ក្រុមការងារកាន់តែទាក់ទាញព្រមទាំងរចនាវេបសាយរបស់ Focus បានកាន់តែល្អប្រសើរ។ ណាវេត គឺជាធនធានដ៏ល្អដែលបានចូលរួមចំណែកនូវការបង្កើនកេរ្តិ៍ឈ្មោះរបស់ទស្សនាវដ្តី Discover Cambodia ។
សំ ដារ៉ា
អ្នករាយការណ៍ហាត់ការ
បន្ទាប់ពីបានចូលរៀននៅក្នុងសាលាកាសែត និងទទួលបាននូវបទពិសោទធ៍មួយចំនួន តាមរយៈការហាត់ការ នៅក្នុងស្ថាប័នសារព័ត៌មាន ដារ៉ាចាប់ផ្ដើមចាប់អារម្មណ៍ រឹតតែខ្លាំងនៅក្នុងវិស័យមួយនេះ។ គាត់គិតថា ជំនាញនេះមានថាមពលដ៏ល្អមួយ ក្នុងការជួយបង្កើនសម្លេង ទៅដល់មហាជនទូទៅ។ ម៉្យាងវិញទៀត វាជួយឱ្យគាត់ រៀនអំពីភាពមានតុយ្យភាពក្នុងការរាយការណ៍ព័ត៌មាន ព្រោះវាជាអ្វីដែលអ្នកកាសែតត្រូវមាន។ គាត់ចូលចិត្តសិក្សាពីរឿងរ៉ាវថ្មីៗ ចែករំលែកពីព័ត៌មាន និងបង្កើតទំនាក់ទំនងជាមួយមនុស្សជុំវិញខ្លួន។
ជួប សេរីរ័ត្ន
អ្នកថតវីដេអូ
លោក ជួប សេរីរ័ត្ន ជាអ្នកសារព័ត៌មានផ្នែកផលិតវីដេអូ។ លោកបានប្រឡូកក្នុងវិស័យសារព័ត៌មាននេះអស់រយៈពេលជាង៦ឆ្នាំមកហើយទាំងនៅក្នុងស្ថាប័នជាតិ និងអន្តរជាតិ។ លោកជឿជាក់ថា វិស័យសារព័ត៌មាន គឺជាមធ្យោបាយដ៏ល្អមួយក្នុងការភ្ជាប់ទំនាក់ទំនងរបស់មនុស្សនៅលើពិភពលោកដោយការផ្សាយព័ត៌មានពិត។
រ៉ូ គីមឡុង
អ្នករាយការណ៍ហាត់ការ
គីមឡុង គឺជានិស្សិតផ្នែកគ្រប់គ្រងប្រព័ន្ធផ្សព្វផ្សាយម្នាក់។ គាត់ចូលចិត្តការស្វែងរកអ្វីថ្មីៗ ហើយគាត់ក៏ចូលចិត្តវិស័យសារព័ត៌មានដែរ។ គាត់គិតថាសារព័ត៌មាន គឺជាផ្នែកមួយដ៏ធំមហាសាល ដែលអាចអោយគាត់រៀនពីរឿងថ្មីៗ និងអ្វីដែលគេមិនសូវចាប់អារម្មណ៍។ មិនតែប៉ុណ្ណោះ វាក៏ជាឱកាសដែលអនុញ្ញាតអោយគាត់ស្វែងយល់ពីពិភពលោកខាងក្រៅបានកាន់តែច្រើនផងដែរ ស្របពេលដែលផ្តល់ប្រយោជន៍ដល់សង្គម។ គាត់ក៏ចាប់អារម្មណ៍ផងដែរ លើបញ្ហាអនក្ខរកម្មលើផ្នែកប្រព័ន្ធផ្សព្វផ្សាយ របស់ប្រជាជនកម្ពុជា ពីព្រោះគាត់គិតថា ការប្រើប្រាស់ប្រព័ន្ធផ្សាយ អាចជាអាវុធមុខពីរ បង្កជាគ្រោះថ្នាក់ដល់អ្នកប្រើប្រាស់ ប្រសិនបើប្រើប្រាស់មិនបានត្រឹមត្រូវ។
លីម គីមហុង
ជំនួយការផលិតវីដេអូ
លីម គីមហុង គឺជាជំនួយការផលិតវីដេអូ នៅឯសារព័ត៌មាន Focus – ត្រៀមខ្លួនសម្រាប់ថ្ងៃស្អែក។ គីមហុង ចាប់ផ្តើមផលិតវីដេអូ ចាប់តាំងពីនៅរៀនថ្នាក់វិទ្យាល័យមកម៉្លេះ។ គាត់ជឿថា វីដេអូ គឺជាមធ្យោបាយផ្សព្វផ្សាយដ៏មានប្រសិទ្ធិភាពបំផុត ក្នុងការបង្ហាញអំពីអ្វីដែលកើតមានឡើងនៅជុំវិញខ្លួន ហើយគីមហុងមានក្តីស្រម៉ៃថា នឹងតំណាលប្រាប់រឿងរ៉ាវរបស់អ្នកជុំវិញខ្លួន តាមរយៈការផលិតជារូបភាពមានចលនាដ៏រស់រវើកនេះ។
