ការរក្សាចម្ងាយរបស់អ្នកដើម្បីកាត់បន្ថយការរាលដាល៖ ការមិនសូវជួបជុំគ្នា គឺជាមធ្យោបាយដ៏ល្អបំផុតដើម្បីកាត់បន្ថយការរីករាលដាលនៃជំងឺកូវីដ១៩ (COVID-19)។
សព្វថ្ងៃនេះ យើងបានឃើញថាព័ត៌មានដែលទាក់ទងនឹងជំងឺកូវីដ១៩ ត្រូវបានផ្សព្វផ្សាយយ៉ាងឆាប់រហ័សនៅលើប្រព័ន្ធអ៊ីនធឺណិត និងប្រព័ន្ធផ្សព្វផ្សាយផ្សេងៗទៀត។
ពាក្យថា “មេរោគកូរ៉ូណា” ផ្សំឡើងមកពីពាក្យ “មេរោគ” និង “កូរ៉ូណា” ដែលជាភាសាឡាតាំងមានន័យថា “កម្រងផ្កា ឬមកុដ”។
ជំងឺកូវីដ១៩ ត្រូវបានគេគិតថារីករាលដាលខ្លាំងពីមនុស្សម្នាក់ទៅមនុស្សម្នាក់ទៀតតាមរយៈទឹកមាត់។ អ្នកដែលឆ្លងមេរោគនេះ ភាគច្រើនចេញរោគសញ្ញា ហើយអ្នកឆ្លងខ្លះមិនបង្ហាញរោគសញ្ញា ដែលប្រហែលជាអាចចម្លងមេរោគដល់អ្នកដទៃបានយ៉ាងរហ័ស។
ជំងឺកូវីដ១៩ គឺជាជំងឺថ្មីដែលយើងមានព័ត៌មានទាក់ទងនឹងកត្តាហានិភ័យធ្ងន់ធ្ងរនៃជំងឺមានកម្រិតនៅឡើយ។ បើយោងតាមព័ត៌មានពីអ្នកជំនាញដែលយើងមានក្នុងពេលបច្ចុប្បន្ននេះ គឺមនុស្សចាស់ និងមនុស្សទាំងឡាយណាដែលមានជំងឺប្រចាំកាយ (រ៉ាំរ៉ៃ) អាចមានឱកាសក្នុងការវិវឌ្ឍទៅកើតជំងឺកូវីដ១៩ធ្ងន់ធ្ងរ។
ការផ្ទុះឡើងនៃជំងឺកូវីដ១៩ អាចបង្កភាពតានតឹងផ្លូវចិត្តដល់មនុស្សយើងគ្រប់គ្នា។ ភាពភ័យខ្លាច និងការព្រួយបារម្ភឥតឈប់ឈរពីជំងឺកូវីដ១៩ អាចបណ្តាលឱ្យមានការប៉ះពាល់ផ្លូវអារម្មណ៍ដល់មនុស្សពេញវ័យនិងកុមារ។ ការស្វែងរកដំណោះស្រាយលើបញ្ហាតានតឹងផ្លូវចិត្តនឹងធ្វើឱ្យខ្លួនយើង និងសហគមន៍កាន់តែរឹងមាំ។
