អ្វីដែលសំខាន់សម្រាប់ការរស់រានមានជីវិត និងវឌ្ឍនភាពរបស់ប្រទេសណាមួយគឺ ការគ្រប់គ្រងធនធានធម្មជាតិដែលទាមទារឱ្យមានយុទ្ធសាស្ត្រឆ្ពោះទៅមុខ ហើយមជ្ឈមណ្ឌលធនធានធម្មជាតិ និងបរិស្ថាន(CNRE) នៃវិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា CDRI នៅតែបន្តដើរតួនាទីយ៉ាងសំខាន់ ក្នុងការវិភាគទិដ្ឋភាពធនធានធម្មជាតិ និងបរិស្ថាន ព្រមទាំងក្នុងការណែនាំអ្នកបង្កើតគោលនយោបាយ។

ដើម្បីធានាថាស្ថាប័ននិងគោលនយោបាយរបស់ប្រទេសជាតិ នឹងដំណើរការសម្រាប់ប្រជាពលរដ្ឋកម្ពុជាគ្រប់រូប មជ្ឈមណ្ឌលពង្រឹងអភិបាលកិច្ច និងសង្គមសម្រាប់គ្រប់គ្នា នៃវិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា (CDRI) បានបង្វែរការយកចិត្តទុកដាក់របស់ខ្លួនទៅលើបញ្ហាដែលបន្ទាន់ បំផុតសម្រាប់ប្រជាជនដែលងាយរងគ្រោះ។

ស្របពេលដែលកម្ពុជាកំពុងមានការអភិវឌ្ឍផ្នែកសេដ្ឋកិច្ច ការសង្កេតទៅលើគន្លងការអភិវឌ្ឍ ក្លាយជាផ្នែកសំខាន់មួយ ក្នុងការធានានូវវឌ្ឍនភាពនាពេលអនាគត។ មជ្ឈមណ្ឌលអភិវឌ្ឍន៍សេដ្ឋកិច្ច និងពាណិជ្ជកម្ម នៃវិទ្យាស្ថានបណ្តុះបណ្តាល និងស្រាវជ្រាវដើម្បីអភិវឌ្ឍន៍កម្ពុជា(CDRI) បាននាំមុខគេក្នុងការតម្រង់ទិស និងវិភាគកំណើននេះ ដើម្បីផ្តល់ជូននូវទិន្នន័យដ៏មានតម្លៃ ទៅដល់អ្នកបង្កើតគោលនយោបាយ ក្នុងការរៀបចំអនាគតសេដ្ឋកិច្ចរបស់ប្រទេសជាតិ។