ផ្អែកលើភស្តុតាងដែលយើងមាន កុមារមិនមានហានិភ័យខ្ពស់ជាងមនុស្សពេញវ័ញក្នុងការកើតជំងឺកូវីដ១៩ ធ្ងន់ធ្ងរនោះទេ។ ក៏ប៉ុន្តែយើងឃើញមានកុមារ និងទារកខ្លះបានឆ្លងជំងឺកូវីដ១៩ ទោះបីជាមកដល់ពេលបច្ចុប្បន្ន អត្រានៃអ្នកឆ្លងភាគច្រើនជាមនុស្សពេញវ័យក្តី។
បច្ចុប្បន្ននេះ យើងមិនទាន់ដឹងថាស្ត្រីមានផ្ទៃពោះមានឱកាសឆ្លងជំងឺកូវីដ១៩ខ្ពស់ជាងមនុស្សធម្មតា ឬអាចវិវឌ្ឍទៅមានអាការៈធ្ងន់ធ្ងរនៅឡើយទេ។ យោងតាមព័ត៌មានដែលមាននៅខណៈនេះ ស្ត្រីមានផ្ទៃពោះមានឱកាសឆ្លងជំងឺកូវីដ១៩ដូចមនុស្សធម្មតាទូទៅ។
ប្រសិនបើមានអាការ:គ្រុនក្តៅ ឬក្អក អ្នកប្រហែលជាអាចមានជំងឺកូវីដ១៩។ មនុស្សភាគច្រើនមានអាការ:ស្រាលហើយអាចជាសះស្បើយដោយខ្លួនឯងនៅផ្ទះបាន។
មនុស្សវ័យចំណាស់ និងអ្នកដែលមានជំងឺប្រចាំកាយធ្ងន់ធ្ងរដូចជាជំងឺបេះដូង ឬជំងឺសួត ឬជំងឺទឹកនោមផ្អែម ប្រសិនបើកើតជំងឺកូវីដ១៩ (COVID-19) ពួកគេអាចប្រឈមនឹងហានិភ័យខ្ពស់ជាងអ្នកមានសុខភាពធម្មតាដែលអាចបណ្តាលទៅជាអាការ:ធ្ងន់ធ្ងរបាន។
