ជំងឺកូវីដ១៩ បានធ្វើឱ្យប៉ះពាល់ដល់អាជីវកម្មតូចៗជាច្រើននៅក្នុងប្រទេសមីយ៉ាន់ម៉ា។ក្រុមហ៊ុន Samanea កំពុងជួយស្រោចស្រង់អាជីវកម្មទាំងនោះឱ្យមានដំណើរការឡើងវិញ។
ផ្សារទំនើបសុមានាទីក្រុងយ៉ាងហ្គន
កំណត់សម្គាល់៖ នេះគឺជាអត្ថបទផ្សាយពាណិជ្ជកម្ម និងត្រូវបានចេញផ្សាយដំបូងនៅលើគេហទំព័រ Southeast Asia Globe
បកប្រែដោយ ៖ តូច ធីណា
ជំងឺកូវីដ១៩ បានធ្វើឱ្យប៉ះពាល់ដល់អាជីវកម្មតូចៗជាច្រើននៅក្នុងប្រទេសមីយ៉ាន់ម៉ា។ក្រុមហ៊ុន Samanea កំពុងជួយស្រោចស្រង់អាជីវកម្មទាំងនោះឱ្យមានដំណើរការឡើងវិញ។
សេដ្ឋកិច្ចនៅតំបន់អាស៊ីអាគ្នេយ៍បានជួបប្រទះបញ្ហាប្រឈមយ៉ាងខ្លាំងដោយសារការរីករាលដាលសកលនៃជំងឺកូវីដ១៩។ក្នុងនោះមានអាជីវកម្មតូចៗក្នុងតំបន់ចំនួន១៨ភាគរយត្រូវបានបិទទ្វារចាប់តាំងពីមានការផ្ទុះឡើងជាលើកដំបូងនៃមេរោគដ៏កាចសាហាវនេះ។ ជាក់ស្តែងកាលពីខែ សីហា កន្លងមកនេះ ៣៦ភាគរយ នៃអាជីវកម្មមីក្រូសហគ្រាស សហគ្រាសខ្នាតតូច និងមធ្យមត្រូវបានបិទទ្វារ និងប្រមាណជាង៦៥.២ភាគរយបានផ្អាកដំណើរការជាបណ្តោះអាសន្ន។
វិស័យសេដ្ឋកិច្ចនៅក្នុងប្រទេសមីយ៉ាន់ម៉ា បានទទួលរងផលប៉ះពាល់។យោងតាមការស្ទង់មតិពីអាជីវកម្មចំនួន ៧៥០កន្លែងនៅក្នុងប្រទេសមីយ៉ាន់ម៉ា នៅចន្លោះខែ មេសា និង ឧសភា បានបង្ហាញថា៧៦ភាគរយនៃអាជីវកម្មទាំងនោះ បានកាត់បន្ថយការធ្វើប្រតិបត្តិការរបស់ខ្លួន ហើយ ២៩ភាគរយ ត្រូវបានបិទទ្វារទាំងស្រុង។
ស្ថិតនៅក្នុងកាលៈទេសៈនៃការធ្លាក់ចុះយ៉ាងខ្លាំងនេះ ក្រុមហ៊ុនសិង្ហបុរី ឈ្មោះ Samanea ជាក្រុមហ៊ុនអភិវឌ្ឍជំនាញផ្នែកទីផ្សារនិងជាមជ្ឈមណ្ឌលចែកចាយបានផ្តល់ឱកាសសម្រាប់អាជីវកម្មទាំងនោះ ក្នុងការស្រោចស្រង់ខ្លួនឡើងវិញ ហើយ មិនត្រឹមតែប៉ុណ្ណោះពួកគេថែមទាំងទទួលបានការរីកចម្រើនថែមទៀតផង។នៅក្នុងទីក្រុងយ៉ាងហ្គន ក្រុមហ៊ុន Samaneaបានជួយសម្រួលដល់បណ្តាអ្នកជួលទីតាំងលក់នៅក្នុងផ្សាររបស់ខ្លួន អំពីការសិក្សាលើទីផ្សារ ការដឹកជញ្ជូនទំនិញ និងការរៀបចំហាង។
ក្រុមហ៊ុន Samanea នៅទីក្រុងយ៉ាងហ្គន មានទំហំផ្ទៃដីប្រមាណ ៣០០០០០ ម៉ែត្រការ៉េ។ លក្ខណៈពិសេសនៅទីតាំងនេះ គឺជាផ្សារ Samanea ដែលជាមជ្ឍមណ្ឌលពាណិជ្ជកម្មដ៏ធំសម្បើម និងសម្បូរបែប មានលក់ដុំ និងរាយនូវទំនិញគ្រប់ប្រភេទ។
នៅតាមបណ្តោយដងទន្លេ បាហ្គូ និងវិថីយ៉ាដាណា នៅក្នុងតំបន់ ដាហ្គន មីយូធីត ក្រុមហ៊ុន Samanea បានបើកផ្សារលក់ទំនិញបោះដុំយ៉ាងធំនៅក្នុងឆ្នាំ២០២០នេះ។ ក្រុមអ្នកជំនាញនឹងជួយឱ្យអាជីវកម្មនៅក្នុងស្រុក ទាំងនោះ នៅតែបន្តការរីកលូតលាស់ ទោះបីជានៅក្នុងពេលវេលាដ៏តានតឹងនៃជំងឺសកលក្តី តាមរយៈការឱ្យក្រុមហ៊ុនអាជីវកម្មទាំងនោះអាចដាក់លក់ដុំ និងរាយនូវផលិតផលរបស់ខ្លួននៅក្នុងទីតាំងផ្សារថ្មីដ៏មានស្តង់ដារនេះ។
ផលិតផលទាំងអស់នោះរួមមាន សំលៀកបំពាក់ ឧបករណ៍អេឡិចត្រូនិក និងគ្រឿងសំណង់ជាដើម។វិស័យសំណង់ គឺជាឧស្សាហកម្មដ៏សំខាន់មួយនៅក្នុងទីក្រុងយ៉ាងហ្គន ហើយអាជីវកម្មសំណង់ និងអ្នកប្រើប្រាស់ នឹងទទួលបានអត្ថប្រយោជន៍ពីការលក់សំភារៈសាងសង់ផ្ទះ និងអាគារជាច្រើន ដែលបានដាក់លក់នៅឯផ្សារSamaneaនេះ។
ហាងលក់ទំនិញក្នុងផ្សារទំនើបសុមានា
ឧស្សាហកម្មផ្សេងទៀត ក៏នឹងទទួលបានអត្ថប្រយោជន៍ ពីឧស្សាហកម្មនិងការជួរដូរពាណិជ្ជកម្មដ៏ចម្រុះ រួមមាន ឧបករណ៍អគ្គិសនី ឧបករណ៍ប្រើប្រាស់ក្នុងផ្ទះ សម្ភារៈឌីជីថល សម្លៀកបំពាក់ ស្បែកជើង និងរបស់ប្រើប្រាស់ប្រចាំថ្ងៃជាដើម។
ផ្សារSamanea បានធ្វើឱ្យការចេញចូលទៅកាន់ទីតាំងផ្សារនេះ មានភាពងាយស្រួល ដោយបានធ្វើការសម្របសម្រួលជាមួយអាជ្ញាធរដឹកជញ្ជូនក្នុងតំបន់ (YBTS) សម្រាប់សេវាកម្មរថយន្តក្រុង ដើម្បីអាចធ្វើដំណើរទៅដល់តំបន់នេះ។
មិនត្រឹមតែប៉ុណ្ណោះផ្សារនេះមានទីតាំងនៅជិតតំបន់ទីប្រជុំជននៃទីក្រុងយ៉ាងហ្គននិងជិតអាកាសយានដ្ឋានអន្តរជាតិយ៉ាងហ្គនដែលមានភាពងាយស្រួលសម្រាប់ម្ចាស់អាជីវកម្មដែលហោះមកពីបរទេសធ្វើដំណើរទៅដល់ទីនោះកាន់តែលឿនថែមទៀតផង។ ម្យ៉ាងទៀត ធនាគារ កានបាហ្សា ក៏មានវត្តមាននៅក្នុង ក្រុមហ៊ុន Samaneaនេះផងដែរហើយវាអាចអនុញ្ញាតឱ្យអ្នកជួលនិងអតិថិជនអាចគ្រប់គ្រងប្រតិបត្តិការហិរញ្ញវត្ថុរបស់ខ្លួនបានយ៉ាងងាយស្រួល។
លើសពីនេះទៅទៀត ផ្សារពាណិជ្ជកម្មនេះ នឹងជួយដល់អ្នកជួលទីតាំង និងអតិថិជនមកពីគ្រប់មជ្ឈដ្ឋាន ឱ្យមានភាពងាយស្រួល ក្នុងការបំពេញតម្រូវការរបស់ខ្លួន ដោយមិនចាំបាច់ព្រួយបារម្ភអំពីបញ្ហាប្រើប្រាស់ភាសា តាមរយៈក្រុម ការងារផ្តល់សេវាកម្មអតិថិជន មានផ្តល់ជូនជាភាសាចិន អង់គ្លេស ភូមា រឺភាសាក្នុងស្រុកផ្សេងទៀត។
នៅព័ទ្ធជុំវិញផ្សារពាណិជ្ជកម្មSamanea មានឃ្លាំងជួលជាច្រើន ព្រមទាំង សណ្ឋាគារ អគារការិយាល័យ ដែលមានបន្ទប់អាផាតមិនសម្រាប់ជួលស្នាក់នៅ ក៏ដូចជាមជ្ឈមណ្ឌលពិព័រណ៍ Samanea ដែលកំពុងត្រូវបានសាងសង់ដើម្បីជួយជំរុញដល់ការលក់របស់អ្នកជួលទីតាំង។
គម្រោងទាំងអស់នេះគ្រោងនឹងចាប់ផ្តើមសាងសង់នៅឆ្នាំ២០២១។ ទីតាំងនៃក្រុមហ៊ុន Samanea នេះនៅមិនឆ្ងាយប៉ុន្មានពីតំបន់អាជីវកម្មនិងអ្នកប្រើប្រាស់។ហើយវាជាទីតាំងសមរម្យដែលអាចឱ្យសាងសង់ផ្សារទំនើបខ្នាតធំ ស្អាតនិងទំនើបសមស្របទៅនឹងតម្រូវការរបស់សហគមន៍មូលដ្ឋាន។នៅក្នុងផ្សារពាណិជ្ជកម្មSamanea ក៏មានបិទនូវផ្ទាំងខិត្តប័ណ្ណប្រកាស ដើម្បីក្រើនរំលឹកដល់អតិថិជនឱ្យមានការប្រុងប្រយ័ត្នទាក់ទងនឹងការរក្សាគម្លាតសង្គម និងជួយការពារការរីករាលដាលនៃកូវីដ ខណៈពេលដែលពួកគេទិញទំនិញនៅផ្សារនេះផងដែរ។
«ផ្សារ Samanea ប្រចាំទីក្រុងយ៉ាងហ្គន បានប្តេជ្ញាចិត្ត ក្នុងការលើកកំពស់គុណភាព ខ្សែសង្វាក់ផ្គត់ផ្គង់ក្នុងស្រុក។ នៅរយៈពេល១០ឆ្នាំទៀត ប្រជាជននៅក្នុងទីក្រុងយ៉ាងហ្គន នឹងទទួលបាននូការរស់នៅបែបថ្មី ដ៏មិនគួរឱ្យជឿ» នេះបើតាមសម្តីរបស់លោក Aung Myo O អគ្គនាយករងនៃនៅក្នុងក្រុមហ៊ុន Samanea ប្រចាំទីក្រុងយ៉ាងហ្គន។
សម្រាប់ប្រទេសកំពុងអភិវឌ្ឍន៍ ក្នុងកំឡុងពេលមានជំងឺរាតត្បាតសកលបែបនេះ ក្រុមហ៊ុន Samanea បានផ្តល់ជូននូវទីផ្សារដែលមានស្តង់ដារនិងអនាម័យខ្ពស់។ កាលពីខែកញ្ញា បុគ្គលិក៣នាក់នៅផ្សារក្នុងស្រុកមួយ ក្នុងទីក្រុងយ៉ាងហ្គន ត្រូវបានធ្វើតេស្តមានលទ្ធផលវិជ្ជមានចំពោះជំងឺកូវីដ១៩។
ទន្ទឹមនឹងនេះក្រុមហ៊ុនSamaneaបានប្តេជ្ញាចិត្តយ៉ាងមុតមាំក្នុងការរក្សាបុគ្គលិកនិងអតិថិជនអោយមានសុវត្ថិភាព តាមរយៈការអនុវត្តតាមគោលការណ៍សុខភាពសាធារណៈសំខាន់ៗ ដូចជា ការអនុវត្តវិធានការណ៍ រក្សាគម្លាតសង្គមយ៉ាងតឹងរឹង ការសំអាត និងថែទាំកន្លែងជាប្រចាំជាដើម៕