ការពុះពារជំនះឧបសគ្គ និងការដក់ចិត្តដក់អារម្មណ៍នឹងវិស័យភាពយន្ត បានជម្រុញឱ្យលោក កាវិច ក្លាយជាអ្នកដឹកនាំរឿងវ័យក្មេងដ៏មានទេពកោសល្យមួយរូប ដែលអាចប្រើប្រាស់ខ្សែភាពយន្តទៅរំញោចផ្នត់គំនិត អ្នកទស្សនា។
នាពេលដើមខែមេសានេះ លោក នាង កាវិច មានការមមាញឹកយ៉ាងខ្លាំង ដោយចំណាយពេលជាច្រើនចូលរួមក្នុងកម្មវិធីចែករំលែកបទពិសោធន៍ ទាក់ទងនឹងការផលិតភាពយន្តរបស់លោក។ លោកកំពុងធ្វើការផ្សព្វផ្សាយ ស្នាដៃភាពយន្តថ្មីចុងក្រោយរបស់លោក គឺរឿង ប៊ូឌីញ ស ដែលលោកបានដឹកនាំ និងសរសេរសាច់រឿង ហើយបច្ចុប្បន្នកំពុងចាក់បញ្ចាំង នៅតាមរោងភាពយន្តនានាក្នុងប្រទេសកម្ពុជា។
