កិច្ចពិភាក្សា«The Open Room» គឺជាវេទិកាចែករំលែកអំពីបទពិសោធន៍របស់យុវជនកម្ពុជា ដែលបានបង្កើតសមិទ្ធផល និងស្នាដៃលេចធ្លោក្នុងអាជីពរបស់ខ្លួន។ វេទិកានេះនឹងពាំនាំមកជាមួយនូវ សារដ៏សំខាន់ៗសម្រាប់យុវជនជំនាន់ក្រោយ ដែលមានគោលបំណងចង់បង្កើតស្នាដៃថ្មីៗសម្រាប់ខ្លួនឯង និងសង្គមនាពេលអនាគត។
ការធំដឹងក្តីឡើងនៅក្នុងរង្វង់សិល្បៈ អមជាមួយនឹងឆន្ទៈស្រឡាញ់វប្បធម៌ខ្មែរបានជំរុញឱ្យ អ្នកនាង ជុំវណ្ណ សូដាជីវី បានជ្រើសយករបាំបុរាណខ្មែរ ជាមូលដ្ឋានគ្រឹះនៃការសម្តែងរបស់ខ្លួន មុននឹងបោះជំហានចូល របាំសហសម័យ ហើយកែខៃជាស្នាដៃថ្មីៗ ដើម្បីរួមចំណែកលើកស្ទួយសិល្បៈវប្បធម៌ និងបង្កើតជាសមិទ្ធផលថ្មី សម្រាប់យុវជនជំនាន់ក្រោយ។
នាពេលដើមខែមេសានេះ លោក នាង កាវិច មានការមមាញឹកយ៉ាងខ្លាំង ដោយចំណាយពេលជាច្រើនចូលរួមក្នុងកម្មវិធីចែករំលែកបទពិសោធន៍ ទាក់ទងនឹងការផលិតភាពយន្តរបស់លោក។ លោកកំពុងធ្វើការផ្សព្វផ្សាយ ស្នាដៃភាពយន្តថ្មីចុងក្រោយរបស់លោក គឺរឿង ប៊ូឌីញ ស ដែលលោកបានដឹកនាំ និងសរសេរសាច់រឿង ហើយបច្ចុប្បន្នកំពុងចាក់បញ្ចាំង នៅតាមរោងភាពយន្តនានាក្នុងប្រទេសកម្ពុជា។
