ស្តាប់ផតខាស់ «គួរក្រៅម៉ោង» នៅលើ
ផតខាស់ «គួរក្រៅម៉ោង» ជាកម្មវីធីថ្មីមួយ ផ្តោតលើការចែករំលែកនូវចំណេះដឹង និងលើកកម្ពស់ការយល់ដឹងយុវជនខ្មែរ អំពីជំនាញទន់ ដែលជាជំនាញមួយដើរតួយ៉ាងសំខាន់ក្នុងសតវត្សទី២១ សម្រាប់ជីវិតការងារ និងការរស់នៅប្រចាំថ្ងៃនៅក្នុងសង្គម។ តាមរយ:ផតខាស់នេះ យើងបង្កើតឱកាសសម្រាប់ការពិភាក្សា ព្រមទាំងការចែករំលែកនូវបទពិសោធន៍ និងចំណេះដឹង រវាងយុវជន និងយុវជន ក៏ដូចជាជម្រុញយុវជនឱ្យមានភាពក្លាហានក្នុងការចូលរួមនៅក្នុងសង្គមផងដែរ។ កម្មវិធីនេះ ត្រូវបានផលិតដោយឯករាជ្យដោយ Focus – ត្រៀមខ្លួនសម្រាប់ថ្ងៃស្អែក និងទទួលបានការគាំទ្រដោយ BBC Media Action ជាមួយនឹងការផ្តល់មូលនិធិពីទីភ្នាក់ងារប្រទេសស្វីសសម្រាប់ការអភិវឌ្ឍ និងកិច្ចសហប្រតិបត្តិការ (SDC) ព្រមទាំងទីភ្នាក់ងារសហប្រតិបត្តិការអភិវឌ្ឍន៍អន្តរជាតិស៊ុយអែត (Sida)។
ដៃគូរបស់គម្រោង
ផតខាស់ «គួរក្រៅម៉ោង» ណែនាំខ្លួន
ដោយសារតែកត្តាពេលវេលា កត្តាចំណេះដឹង និងកង្វះទំនុកចិត្តលើខ្លួនឯង ការចូលរួមសង្គមរបស់យុវជននៅកម្ពុជា នៅមានកម្រិតនៅឡើយ នេះបើយោងតាមការស្រង់មតិមួយ ដែលធ្វើឡើងដោយ BBC Media Action ហើយចេញផ្សាយកាលពីឆ្នាំ២០២១ កន្លងទៅ។ បន្ថែមទៅទៀត ចំណេះដឹងខាងឌីជីថល ការស្វែងរកព័ត៌មាន និងបញ្ហាទូទៅក៏ជារនាំងឃាំងពួកគេផងដែរ។
ការសិក្សាដដែលនេះក៏បានរកឃើញដែរថា ជំនាញទន់នេះ គឺជាចលករសំខាន់ ដែលអាចបង្កើនទំនុកចិត្ត របស់យុវជន បង្កើតសមត្ថភាពរបស់ពួកគេក្នុងការចូលរួមសង្គម។
S1E1: ម៉េចបានអត់ហ៊ានសួរ?
តើអ្វីដែលធ្វើឱ្យយើងគ្រប់គ្នា តែងតែស្ទាក់ស្ទើរក្នុងការសួរ? នៅក្នុងភាគទី១ នៃផតខាស់«គួរក្រៅម៉ោង» អ្នកនឹងបានស្តាប់ការពិភាក្សាគ្នាអំពីបទពិសោធន៍របស់ពិធីករទាំងពីរ តាមរយៈការស្វែងរកចំណុចខ្សោយរបស់ខ្លួន និងងាកមកច្បិចយកនូវតិចនិចសំខាន់ថ្មីៗ ងាយស្រួលយល់និងអនុវត្ត ដើម្បីបង្កើនទំនុកចិត្តក្នុងសួរសំណួរ មិនថាក្នុងការសិក្សា ឬកិច្ចការសង្គម។
S1E2: គ្រាន់តែនិយាយ ម៉េចបានខ្លាច?
មានឆ្ងល់អត់ថា ហេតុអ្វីមានអារម្មណ៍ភ័យខ្លាច នៅពេលនិយាយជាក្នុងចំណោមមនុស្សឬុជាសាធារណៈម្ដងៗ? ហើយគួរធ្វើម៉េចទៅដើម្បីឱ្យការនិយាយល្អជាងមុន? ដើម្បីស្រាយចម្ងល់និងដោះស្រាយបញ្ហាទាំងនេះ តោះមករៀនគួរក្រៅម៉ោងជាមួយ Focus ដើម្បីរៀនថ្ងៃនេះ ជាទុនសម្រាប់ថ្ងៃស្អែកទាំងអស់គ្នា។
S1E3: ធ្លាប់អត់ ចង់ឱ្យគេយល់ស្របដូចយើង?
តើយើងគ្រប់គ្នាធ្លាប់សុខចិត្តចុះចាញ់ ព្រោះតវ៉ាគេមិនបានសម្រេចទេ? ហើយចុះបើយើងចង់ឱ្យគេយល់ពីគំនិតយើង និងយល់ស្របតាមយើង តើយើងគួរតែនិយាយយ៉ាងដូចម្ដេច? នៅក្នុងភាគទី៣ នៃផតខាស់«គួរក្រៅម៉ោង» អ្នកនឹងបានស្តាប់ការពិភាក្សាគ្នាអំពីបទពិសោធន៍របស់ពិធីករទាំងពីរ តាមរយៈគន្លឹះនិងបទពិសោធន៍នៃការបង្ហាញជំហររបស់ខ្លួនក្នុងការតវ៉ាមតិ វែកញែកពីប្រធានបទអ្វីមួយ។
S1E4: ពេលខ្លះ ហេតុអ្វីយើងត្រូវបង្ហាញការគាំទ្រ
នៅក្នុងប្រធានបទសម្រាប់ភាគទី៤ «ការតស៊ូមតិ » អ្នកនឹងបានស្តាប់ការពិភាក្សាគ្នា រវាងពិធីការីរបស់យើង កញ្ញា បូរិន្ទ សុភាវុទ្ធតី រួមជាមួយអ្នកហាត់ការរាយការណ៍ព័ត៌មានរបស់Focus មួយរូប គឺ កញ្ញា វ័ន្ត ច័ន្ទមករា។ អ្នកទាំងពីរនឹងធ្វើការចែករំលែកអំពីការស្រាវជ្រាវរបស់ខ្លួន ជុំវិញប្រធានបទដើម្បីជាទុនសម្រាប់ មិត្តអ្នកស្តាប់។ ជាពិសេសអ្នកនឹងកាន់តែជ្រាបច្បាស់ ពីនិយមន័យរបស់ការតស៊ូមតិ និងសារៈសំខាន់នៃការការតស៊ូមតិ។
S1E5: ចង្កឹះមួយបាច់ ទើបគេកាច់មិនបាក់?
ឱ្យតែគេនិយាយពីសាមគ្គីភាព យើងតែងតែលឺពាក្យចាស់គេលើកឡើងមកថា “ចង្កឹះមួយបាច់ ទើបគេកាច់មិនបាក់” តើពាក្យនេះមានន័យដូចម្តេច? ហើយហេតុអ្វីបានជាគេនិយមប្រើម្លេះ? នៅក្នុងភាគទី៥ នៃផតខាស់«គួរក្រៅម៉ោង»អ្នកនឹងបានស្តាប់ការពិភាក្សាគ្នាអំពីបទពិសោធន៍របស់ពិធីករទាំងពីរទាក់ទងឥទ្ធិពលនៃការទទួលបានការគាំទ្រពីអ្នកនៅជុំវិញខ្លួន។
S1E6: ធ្វើម៉េចមានមិត្តគិតដូចគ្នាច្រើន?
ផតខាស់ភាគទី៦ និងជាភាគចុងក្រោយបានមកដល់ហើយ នៅចាំអីទៀត មកសិក្សាអំពីសហគមន៍អនឡាញ តាមរយៈ ផតខាស «គួរក្រៅម៉ោង» រៀនថ្ងៃនេះ ជាទុនសម្រាប់ថ្ងៃស្អែក។ ធ្លាប់លឺ Facebook Group និង Group Chatអត់? ចុះសហគមន៍អនឡាញវិញ ធា្លប់លឺអត់? តើវាមានភាពខុសគ្នា ឬដូចគ្នា?
S2E1: ធ្វើម៉េចទើបក្លាយជាអ្នកស្តាប់ដ៏ល្អ?
ការស្តាប់សំដៅទៅលើការចាប់យកសំឡេងដោយប្រើត្រចៀក។ ប៉ុន្តែមែនទែនទៅការស្តាប់ គឺមានន័យធំទូលំទូលាយជាងនេះ ព្រោះការស្តាប់តែសំឡេងតែមួយមុខដោយមិនបាន ចាប់យកអត្ថន័យនៃសារ ក៏ដូចជាការឆ្លើយតបទៅវិញទៅមក មិនអាចទទួលបានផ្លែផ្កា និងការយល់ច្បាស់គ្រប់ជ្រុងជ្រោយនោះទេ។ ធ្វើម៉េចទើបក្លាយជាអ្នកស្តាប់ដ៏ល្អ?
S2E2: ឆ្ងល់អត់ ម៉េចក៏មានរបស់បង្កើតថ្មីរហូត?
សព្វថ្ងៃនេះយើងសង្កេតឃើញថា ពិភពលោកមានការអភិវឌ្ឍឥតឈប់ឈរ ជាពិសេសលើវិស័យបច្ចេកវិទ្យា ដែលជាផ្នែកមួយដ៏សំខាន់សម្រាប់មនុស្សនាពេលបច្ចុប្បន្ន។ ក្នុងនោះផងដែរ អ្នកដែលបានបង្កើតអ្វីដែលថ្មីនោះ ត្រូវបានគេហៅថា ជាមនុស្សដែលមានគំនិតច្នៃប្រឌិត។ ដូចនេះ តើអ្វីជាគំនិតច្នៃប្រឌិត? តើអ្នកជាប្រភេទណាមួយ នៃគំនិតច្នៃប្រឌិត? ហើយតើមានសារៈសំខាន់យ៉ាងណាសម្រាប់ជីវិតរបស់យើង និងសង្គម?
S2E3: ធ្លាប់លឺអត់ថាអីទៅជាការគិតបែបស៊ីជម្រៅ?
ទម្លាប់នៃការគិត ដោយប្រើតក្កវិជ្ជា ឬការត្រិះរិះពិចារណាល្អិតល្អន់ នឹងអាចជួយយើងឲ្យក្លាយជាបុគ្គលម្នាក់ ដែលអាចវិភាគទៅលើបញ្ហា ឬព័ត៌មានអ្វីមួយ ដោយភាពច្បាស់លាស់ មិនលំអៀង។ ជាពិសេសវា អាចនាំមកនូវសារៈប្រយោជន៍ចំពោះ ការរស់នៅប្រចាំថ្ងៃ ជីវិតការងារ និងការចូលរួមនៅក្នុងសង្គមផងដែរ។
S2E4: ធ្វើយ៉ាងម៉េច និយាយឱ្យត្រូវគ្នាជាមួយមនុស្សខុសជំនាន់?
ការប្រាស្រ័យទាក់ទង ជាជំនាញសតវត្សទី២១ ដែលត្រូវបានកំណត់ថាជាតម្រូវការចាំបាច់ សម្រាប់ភាពជោគជ័យទាំងនៅក្នុងសង្គម និងកន្លែងការងារនៅសតវត្សរ៍ទី21 នេះបើយោងតាមការសិក្សារបស់វេទិកាសេដ្ឋកិច្ចពិភពលោក World Economic Forum។ ប៉ុន្តែអ្វីដែលជាបញ្ហាប្រឈមសម្រាប់មនុស្សទូទៅនោះ គឺការនិយាយទៅកាន់អ្នកដទៃដែលមានវ័យខុសគ្នា ដូចជាការនិយាយ របស់ក្មេងទៅកាន់មនុស្សចាស់ ចាស់មកកាន់ក្មេង កូនទៅកាន់ឪពុកម្ដាយ បុគ្គលិកថ្មីនិយាយទៅកាន់បុគ្គលិកចាស់ ជាដើម។
S2E5: តើផ្តល់មតិកែលម្អយ៉ាងម៉េចដើម្បីកុំឱ្យគេខឹង?
មតិកែលម្អគឺជាគន្លឹះនៃការអភិវឌ្ឍរបស់បុគ្គលម្នាក់ៗក្នុងមជ្ឈដ្ឋានផ្សេងៗដូចជាក្នុងការសិក្សា កន្លែងការងារ និងជាពិសេសការរស់នៅប្រចាំថ្ងៃ។ ដូច្នេះហើយ ទើបការផ្តល់មតិកែលម្អបានក្លាយជាផ្នែកមួយដ៏សំខាន់នៃជីវិតរស់នៅប្រចាំថ្ងៃ ក្នុងគោលបំណងពង្រឹងសមត្ថភាព និងជំនាញ។
S2E6: តើគេសន្សំបញ្ញាទុកដោះស្រាយបញ្ហាយ៉ាងម៉េចទៅ?
ជំនាញក្នុងការដោះស្រាយបញ្ហាដោយប្រើការគិតឱ្យបានគ្រប់ជ្រុងជ្រោយ គឺជាបំនិនជីវិត ក្នុងការដោះស្រាយរាល់បញ្ហានៅក្នុងការរស់នៅប្រចាំថ្ងៃ ព្រោះគ្មាននរណាម្នាក់ អាចជៀសរួចពីបញ្ហានោះឡើយ។
S2E7: ធ្វើយ៉ាងម៉េចទៅ បើចង់និយាយជាមួយអ្នកដទៃជាលើកដំបូង?
ការយល់ច្បាស់ពីរបៀបនិយាយទៅកាន់អ្នកដទៃ អាចជួយអ្នកមានភាពងាយស្រួលក្នុង ការប្រាស្រ័យទាក់ទងទៅកាន់មនុស្សជុំវិញខ្លួន។ ឈ្វេងយល់ជាមួយនឹងផតខាស់ «គួរក្រៅម៉ោង» នៅក្នុងភាគនេះទាំងអស់គ្នា!
S2E8: ធ្វើម៉េចទើបគំនិតអាចក្លាយជាការពិតបាន?
ការចេះប្រើប្រាស់គំនិតរបស់អ្នកឱ្យក្លាយទៅជាការពិតគឺជាគន្លឹះសំខាន់ដែលអាចជួយឱ្យ អ្នកអាចសម្រេច គោលដៅ ក្នុងជីវិត និងចូលរួមដោះស្រាយរាល់នូវបញ្ហាផ្សេងៗនៅចំពោះមុខ។ ឈ្វេងយល់ជាមួយនឹងផតខាស់ «គួរក្រៅម៉ោង» នៅក្នុងភាគនេះទាំងអស់គ្នា!
វីដេអូ
វីដេអូ
រូបថតសកម្មភាពរបស់ក្រុមការងារ
ស្ទូឌីយ៉ូថតសម្លេងផ្តល់ដោយ៖
- អ្នកផលិត៖ នូវ ពៅលក្ខិណា តូច ធីណា
- ពិធីករ៖ បូរិន្ទ សុភាវុទ្ធតី រ៉ូ គីមឡុង
- អ្នកគ្រប់គ្រងកម្មវិធី៖ ឌឹប ណាសា
- អ្នកកាត់តសម្លង ៖ បូរិន្ទ សុភាវុទ្ធតី ជា សំអៀង ថន វាសនា អ៊ុន វឌ្ឍនា សុខ ម៉ូលីនណា
- អ្នកកាត់តវីដេអូ៖ ៖ ឃាង ធានិន ជា សំអៀង ថន វាសនា អ៊ុន វឌ្ឍនា រ៉ូ គីមឡុង ឈីវ ប៊ុនឈាន វ៉ន ច័ន្ទមករា មុន្នី ស្រីនាថ
- អ្នករចនា៖ ជា សំអៀង ថន វាសនា អ៊ុន វឌ្ឍនា រ៉ូ គីមឡុង ឈីវ ប៊ុនឈាន វ៉ន ច័ន្ទមករា មុន្នី ស្រីនាថ តូច ធីណា
- អ្នកគ្រប់គ្រងប្រព័ន្ធផ្សព្វផ្សាយ៖ Focus Team
