ការយល់ដឹងពីគន្លឹះងាយៗក្នុងការសួរ ជាចំណេះជំនាញមួយ ដែលមនុស្សម្នាក់ៗគួរតែស្ពាយជាប់ខ្លូន ព្រោះវាអាចពាំនាំមកនូវសារៈប្រយោជន៍ជាច្រើន សម្រាប់ជីវិតរស់នៅ ប្រចាំថ្ងៃ និង ការប្រាស្រ័យទាក់ទងនៅក្នុងសង្គម។
ការសួរសំណួរ ជាបំណិនជីវិតមួយយ៉ាងសំខាន់ ដែលអាចជួយ អ្នកទទួលបាននូវចំណេះដឹងថ្មីៗ។ ជាពិសេស វាអាចផ្តល់ភាពងាយស្រួល សម្រាប់ការប្រាស្រ័យទាក់ទង នៅក្នុងជីវិតប្រចាំថ្ងៃថែមទៀតផង។
តើអ្វីដែលធ្វើឱ្យយើងគ្រប់គ្នា តែងតែស្ទាក់ស្ទើរក្នុងការសួរ? នៅក្នុងភាគទី១ នៃផតខាស់«គួរក្រៅម៉ោង» អ្នកនឹងបានស្តាប់ការពិភាក្សាគ្នាអំពីបទពិសោធន៍របស់ពិធីករទាំងពីរ តាមរយៈការស្វែងរកចំណុចខ្សោយរបស់ខ្លួន និងងាកមកច្បិចយកនូវតិចនិកសំខាន់ថ្មីៗ ងាយស្រួលយល់និងអនុវត្ត ដើម្បីបង្កើនទំនុកចិត្តក្នុងសួរសំណួរ មិនថាក្នុងការសិក្សា ឬកិច្ចការសង្គម។
ចំណេះបានពីរៀន មានបានមកពីរក។ ចូលរៀនជាមួយនឹងផតខាស់« គួរក្រៅម៉ោង» ដើម្បីបង្កើនចំណេះដឹងសំខាន់ៗទាក់ទងនឹងជំនាញទន់ និងវិធីសាស្ត្រងាយៗ ក្នុងការអនុវត្តជំនាញទាំងនេះ ប្រកបដោយទំនុកចិត្ត និងដុសខាត់បញ្ញាស្មារតីរបស់អ្នក ដើម្បីជាទុនសម្រាប់ថ្ងៃស្អែក។
Focus-Ready for Tomorrow បានជ្រើសរើសនារីរីឆ្នើមចំនួន៥រូប ដែលពួកយើងធ្លាប់បានផ្សព្វផ្សាយកន្លងមក ដើម្បីអបអរទិវាសិទ្ធិនារីអន្តរជាតិក្នុងឆ្នាំ២០២២នេះ។
ជួបជាមួយព្រះតេជគុណថូ ធូរស់ ព្រះជន្ម៣៦ព្រះវស្សា ជាប្រធានសង្ឃសហគមន៍រុក្ខាវ័ន ចំពោះការលះបង់ព្រះកាយពល និងពេលវេលា ក្នុងកិច្ចការបន្តវេនថែរក្សាការពារព្រៃឈើ ដែលត្រូវបានចាត់ទុកជាសួតរបស់ផែនដី។
