ដោយស្ថិតនៅក្រោមក្រុមហ៊ុន Globe Media Asia ជាមួយគ្នា Focus – Ready for Tomorrow បានរួមសហការជាមួយនឹងគេហទំព័រ Southeast Asia Globe ដោយបានបកប្រែនូវអត្ថបទព័ត៌មានទៅជាខេមរភាសា និងសម្រាំងយកមាតិកាសំខាន់ៗសម្រាប់អ្នកអាននៅកម្ពុជា និងទូទាំងពិភពលោក។
សិល្បករម្នាក់ បានបង្កឱ្យមានភាពច្របូកច្របល់ និងតក់ស្លុត បន្ទាប់ពីការកាត់តបញ្ចូលស្នាមញញឹមទៅលើមុខអ្នកទោសដែលត្រូវបានថតរូប នៅមន្ទីរស -២១ ក្នុងសម័យខ្មែរក្រហម។ នៅពេលនេះប្អូនប្រុសរបស់លោក ខ្វា លាង ដែលត្រូវបានណែនាំជាឈ្មោះខុសថាជា បូរ៉ានៅក្នុងអត្ថបទដ៏ចម្រូងចម្រាស នឹងលាតត្រដាងរឿងពិតនៃសាច់ញាតិដែលបានបាត់បង់ជាយូរមកហើយ។
ក្រុមការងារ Focus Cambodia បានជ្រើសរើសបុគ្គលសំខាន់៥នាក់ ដែលជារលកក្រោយនៃសហគ្រិនរបស់កម្ពុជា ហើយកំពុងតែចូលរួមធ្វើឲ្យអនាគតកម្ពុជាប្រសើរឡើង តាមរយៈការច្នៃប្រឌិតឌីជីថល ការទទួលខុសត្រូវផ្នែកបរិស្ថាន និងការកសាងសហគមន៍។
នេះគឺជាការសរុបសេចក្ដីនៃកម្រងអត្ថបទ «កម្ពុជាក្នុងច័ត្តាឡីស័ក» អំពីផលប៉ះពាល់នៃជំងឺកូវីដ១៩ទៅលើសសរស្ដម្ភទាំងបួននៃសេដ្ឋកិច្ចកម្ពុជា រួមមាន វិស័យកាត់ដេរ វិស័យកសិកម្ម វិស័យសំណង់ និងវិស័យទេសចរណ៍។
អស់រយៈពេលជាច្រើនឆ្នាំ មានអ្នកទេសចរអន្តរជាតិ ចង់ឃើញចង់ស្គាល់ប្រទេសកម្ពុជា ដែលបានជំរុញឱ្យវិស័យទេសចរណ៍រីកចម្រើនយ៉ាងខ្លាំង។ ការណ៍នេះ បានធ្វើឱ្យមានកំណើនអាជីវកម្ម ដើម្បីបំពេញតម្រូវការលើវិស័យនេះ។ យ៉ាងណាមិញ ការដួលរលំភ្លាមៗនៅទូទាំងពិភពលោកនៃវិស័យទេសចរណ៍ បានជះឥទ្ធិពលយ៉ាងធ្ងន់ធ្ងរដល់គោលដៅទេសចរណ៍នានា ដែលធ្លាប់តែមានសភាពអ៊ូអរ ហើយនៅពេលបច្ចុប្បន្នបានប្រែក្លាយទៅជាតំបន់ស្ងាត់ជ្រងំ ក្នុងនោះមាន ខេត្តសៀមរាបផងដែរ។
អស់រយៈពេលជាច្រើនទសវត្សរ៍មកហើយ ឧស្សាហកម្មផលិតសំលៀកបំពាក់និងស្បែកជើង បានក្លាយជាកាតាលីករមួយ ជំរុញដល់កំណើនសេដ្ឋកិច្ចដ៏ឆាប់រហ័សរបស់ប្រទេសកម្ពុជា តាមរយៈការផ្ដល់ការងារ ដល់ប្រជាជនកម្ពុជាជាង ៩០០.០០០ នាក់ នៅតាមរោងចក្រជាង ១០០០ កន្លែង។ ប៉ុន្តែដោយសារតែការបិទសេដ្ឋកិច្ចពិភពលោក រោងចក្រក៏ត្រូវបានចាក់សោបិទទ្វារ ទៅតាមនោះដែរ។
វិស័យកសិកម្មដែលធ្លាប់ជាវិស័យធំជាងគេនៅកម្ពុជាមានការធ្លាក់ចុះយ៉ាងខ្លាំងគួរឱ្យកត់សម្គាល់ដោយសារតែកំណើនឧស្សាហូបនីយកម្ម។ នៅពេលបច្ចុប្បន្ន ជាមួយនឹងជម្រើសនៅសេសសល់តិចតួច ខណៈពេលដែលសេដ្ឋកិច្ចនៅកម្ពុជាបានជាប់គាំងដោយសារជំងឺកូវីដ១៩ ប្រជាជនកម្ពុជាបានត្រឡប់ទៅកាន់ស្រែចម្ការវិញ។
កាលពី២០ឆ្នាំប្លាយមុន អគារនៅភ្នំពេញមិនមានកម្ពស់ខ្ពស់ជាង៤ជាន់នោះទេ។ ប៉ុន្តែ រាជធានីនិងទីក្រុងផ្សេងៗនៅប្រទេសកម្ពុជាមានការរីកចំរើនយ៉ាងខ្លាំង នាពេលបន្ទាប់មក។ ក្នុងប៉ុន្មានខែថ្មីៗនេះមានការព្យួរលើគម្រោងតូចៗជាច្រើន តើការរីកចំរើនអាចមាននិរន្តរភាពបានយ៉ាងដូចម្តេច?
បឹងទន្លេសាបជាស្នូលជលផលក្នុងប្រទេសកម្ពុជា និងជាប្រភពធនធាន ចិញ្ចឹមមនុស្សរាប់លាននាក់ អស់រយៈពេលជាច្រើនសតវត្សរ៍មកហើយ។ នាពេលបច្ចុប្បន្ន មានទំនប់វារីអគ្គិសនីជាច្រើនសាងសង់នៅលើទន្លេមេគង្គ។ ការព្រងើយកន្តើយលើបញ្ហានេះ និងការប្រែប្រួលអាកាសធាតុ កំពុងតែគំរាមកំហែងដល់សន្តិសុខស្បៀងរបស់កម្ពុជា។
ជួបជាមួយក្រុមបាល់ទាត់ស្រ្តីស្រឡាញ់ភេទដូចគ្នា (LGBT) អាយុក្រោម ២១ឆ្នាំ ដែលបង្កើតមុនគេ ក្នុងខេត្តកំពង់ឆ្នាំង។
