ព័ត៌មានដើម្បីជួយលោកអ្នក និងក្រុមគ្រួសារអ្នកក្នុងការរស់នៅប្រចាំថ្ងៃដោយសុភមង្គល និងសុខភាពល្អ
អាចហៅផងដែរថា អ៊ិនកូវី ២០១៩ ឬវីរុសកូរ៉ូណាថ្មី ២០១៩
ពាក្យថា “មេរោគកូរ៉ូណា” ផ្សំឡើងមកពីពាក្យ “មេរោគ” និង “កូរ៉ូណា” ដែលជាភាសាឡាតាំងមានន័យថា “កម្រងផ្កា ឬមកុដ”។ គេអាចកំណត់លក្ខណ:សម្គាល់របស់មេរោគនេះបានតាមរយ:បន្លាស្រួចៗព័ទ្ធជុំវិញនៅលើផ្ទៃខាងក្រៅរបស់វា ហើយមេរោគនេះស្ថិតនៅក្នុងក្រុមគ្រួសារមេរោគដ៏ធំមួយដែលអាចបង្កជំងឺដល់មនុស្ស និងសត្វបាន។ មេរោគមួយចំនួននៃគ្រួសារមេរោគកូរ៉ូណា អាចបង្កឱ្យមនុស្សមានរោគផ្លូវដង្ហើមពីជំងឺផ្ដាសាយធម្មតារហូតដល់ជំងឺធ្ងន់ធ្ងរជាច្រើនទៀត ដូចជាជំងឺរោគសញ្ញាផ្លូវដង្ហើមម៊ឺស (MERS) និងជំងឺរោគសញ្ញាផ្លូវដង្ហើមសារ (SARS)។
មេរោគដែលគេរកឃើញថ្មីបំផុតមួយនៅក្នុងគ្រួសារមេរោគកូរ៉ូណា គឺត្រូវបានគេដឹងថាបង្កឱ្យមានជំងឺកូវីដ១៩ ដែលជាជំងឺមួយប៉ះពាល់ដល់សួត និងផ្លូវដង្ហើមរបស់មនុស្ស។ មេរោគនេះអាចរីករាលដាលជាចម្បងតាមរយៈតំណក់ទឹកមាត់ នៅពេលអ្នកដែលឆ្លងជំងឺនិយាយ ក្អក ឬកណ្ដាស់។
ការឆ្លងមេរោគកូរ៉ូណាភាគច្រើននឹងអាចបង្កទៅជាជំងឺផ្លូវដង្ហើមដែលមានលក្ខណ:ស្រាល និងមធ្យម ហើយអាចជាសះស្បើយឡើងវិញដោយមិនចាំបាច់ត្រូវការទទួលការព្យាបាលពិសេសពីមន្ទីរពេទ្យឡើយ។ រោគសញ្ញាទូទៅនៃជំងឺកូវីដ១៩ គឺគ្រុនក្តៅ ក្អកស្ងួត និងអស់កម្លាំង។ អ្នកជំងឺខ្លះក៏អាចមានអាការៈឈឺចុកចាប់រាងកាយ តឹងច្រមុះ ឈឺបំពង់ក ឬរាកផងដែរ។ រោគសញ្ញាទាំងនេះភាគច្រើនមានលក្ខណ:ស្រាល ហើយលេចចេញបន្តិចម្តងៗ។ មនុស្សខ្លះទៀតដែលឆ្លងមេរោគនេះ លេចចេញតែរោគសញ្ញាស្រាលប៉ុណ្ណោះ។
ទោះជាយ៉ាងណាក៏ដោយ បុគ្គលគ្រប់រូបសុទ្ធតែអាចធ្លាក់ខ្លួនឈឺធ្ងន់ដោយសារការឆ្លងជំងឺកូវីដ១៩ ជាពិសេសទៅទៀតនោះ សូម្បីតែអ្នកដែលមានរោគសញ្ញាស្រាលក៏អាចចម្លងមេរោគនេះទៅអ្នកដទៃបានយ៉ាងរហ័សផងដែរ។ ដូច្នេះ មនុស្សគ្រប់វ័យទាំងអស់ដែលមានអាការ:គ្រុនក្តៅ ក្អក និងពិបាកដកដង្ហើម គួរតែស្វែងរកការធ្វើតេស្ដ និងការព្យាបាលជាបន្ទាន់។
ដូចគ្នាទៅនឹងជំងឺផ្លូវដង្ហើមផ្សេងៗដូចជាជំងឺផ្ដាសាយធំ ឬផ្ដាសាយទូទៅ ការចាត់វិធានការទៅលើសុខុមាលភាពសាធារណៈពិតជាមានសារសំខាន់ណាស់ក្នុងការបន្ថយការរីករាលដាលនៃជំងឺកូវីដ១៩ ហើយវិធានការទាំងនេះរួមមាន៖
រហូតមកដល់ពេលនេះ យើងពុំទាន់មានវ៉ាក់សាំងការពារ ហើយក៏ពុំមានថ្នាំព្យាបាលមេរោគនេះឱ្យជាសះស្បើយនៅឡើយនោះទេ។ អ្នកឆ្លងដែលមានអាការៈស្រាល គឺអាចសម្រាកព្យាបាលដោយខ្លួនឯងនៅផ្ទះបាន ហើយចំណែកឯអ្នកឆ្លងដែលមានអាការៈធ្ងន់ធ្ងរ ត្រូវសម្រាកព្យាបាលនៅមន្ទីរពេទ្យដើម្បីទទួលការថែទាំ និងការសង្គ្រោះជីវិតចាំបាច់រហូតដល់អាចជាសះស្បើយឡើងវិញ។ អ្នកជំងឺដែលមានអាការៈធ្ងន់ធ្ងរភាគច្រើនអាចជាសះស្បើយ ដោយសារការយកចិត្តទុកដាក់ថែទាំចាំបាច់បែបនេះពីមន្ទីរពេទ្យ។
វ៉ាក់សាំងការពារ និងថ្នាំដែលមានសក្ដានុពលមួយចំនួនក្នុងការព្យាបាលជំងឺកូវីដ១៩ គឺកំពុងត្រូវបានគេធ្វើការស្រាវជ្រាវនៅឡើយ។ វ៉ាក់សាំង និងថ្នាំទាំងនោះកំពុងត្រូវបានគេសាកល្បងប្រើប្រាស់នៅបណ្តាប្រទេសជាច្រើន ហើយអង្គការពិភពលោកមួយចំនួនដូចជាអង្គការសុខភាពពិភពលោក ក៏កំពុងសម្របសម្រួលកិច្ចខិតខំប្រឹងប្រែងដល់ការបង្កើតវ៉ាក់សាំង និងថ្នាំព្យាបាលជំងឺកូវីដ១៩ នេះផងដែរ៕
រាងកាយរបស់មនុស្សផលិតសារធាតុនៃប្រព័ន្ធភាពស៊ាំ ដើម្បីប្រយុទ្ធប្រឆាំងនឹងការឆ្លងមេរោគ។ តើពិភពលោកអាចប្រើប្រាស់អត្ថប្រយោជន៍របស់សារធាតុនៃប្រព័ន្ធភាពស៊ាំ ដើម្បីការពារជំងឺកូវីដ១៩បានដែរឬទេ?
«ប្រសិនបើគាត់ (ប្រជាជន) ងាកមកទេសចរណ៍ក្នុងស្រុក វាគឺជាចំណុចដ៏ល្អប្រសើរបំផុត ព្រោះវាអាចជួយដល់សេដ្ឋកិច្ចប្រទេសយើង»។
បង្កើនប្រសិទ្ធភាពថ្នាក់រៀនអនឡាញរបស់អ្នក ដោយគ្រាន់តែចាប់ផ្តើមប្រើប្រាស់គេហទំព័រទាំងនេះ និងដើម្បីមានការប្រាស្រ័យទាក់ទងគ្នាល្អប្រសើរជាមួយសិស្សរបស់អ្នក។
ការប្រើប្រាស់ឡេនភ្នែកមិនមានរបៀបរបប និងពុំមានស្តង់ដារគុណភាពត្រឹមត្រូវតាមការណែនាំរបស់អ្នកជំនាញ អាចផ្តល់ផលប៉ះពាល់ដល់សុខភាពភ្នែករបស់អ្នកយ៉ាងធ្ងន់ធ្ងរ។
តើអ្វីទៅជាជំនាញទន់? ហេតុអ្វីបានជាជំនាញទន់សំខាន់សម្រាប់ការងារ?
ការព្រមព្រៀង គឺជាតម្លៃសំខាន់នៅក្នុងការរួមភេទ។ បើភាគីណាមួយមិនបានព្រមព្រៀងទោះបីជាដៃគូសង្សារឬប្តីប្រពន្ធក្តី វាត្រូវចាត់ចូលជាការរំលោភសេពសន្ថវៈដូចគ្នា។
តើជំងឺរាតត្បាតថ្មីដែលកំពុងបំផ្លិចបំផ្លាញប្រជាជនទូទាំងពិភពលោក គឺបណ្តាលមកពីការកើនឡើងនៃចំនួនមនុស្ស និងការអភិវឌ្ឍដែរឬទេ? តើបរិស្ថានកំពុងរុញច្រានមកលើពិភពលោកវិញដែរឬយ៉ាងណា?
«ការសិក្សាត្រូវបានផ្អាកអស់រយៈពេលជាច្រើនខែ ហើយមួយវិញទៀត ខ្ញុំក៏មិនទាន់អាចរកការងារធ្វើបាន»។
ព័ត៌មានក្នុងឆ្នាំ២០២០ ពោរពេញទៅដោយព្រឹត្តិការណ៍តានតឹង ដោយសារតែមានការផ្ទុះឡើងជាបន្តបន្ទាប់នៃវិបត្តិនានានៅជុំវិញពិភពលោក។ តើយើងអាចទ្រាំបានទៅនឹងស្ថានភាពទាំងនេះបានដល់ពេលណា?
ការប្រើប្រាស់ជីវិតបែបគ្មានកាកសំណល់នេះ គឺជាវិធីតែមួយគត់ដែលយើងគួរអនុវត្ត ដើម្បីជួយសង្គ្រោះភពផែនដីរបស់យើង។
តើអ្វីទៅជានិយមន័យនៃការធ្វើបាបបៀតបៀន? តើអ្វីទៅជាចលករក្នុងការបែងចែកការធ្វើបាបបៀតបៀន និងការចំអកញ៉ោះលេង?
ឈ្វេងយល់បន្ថែមអំពីជំងឺគ្រុនឈាម ដើម្បីការពារខ្លួនអ្នកឱ្យបានប្រសើរជាងមុន។
